Kontingjenti danez i KFOR-it organizoi sot “DANCON March”, një traditë që daton që nga viti 1972 në vendin e tyre.
Sipas njoftimit, mbi 800 ushtarë dhe civilë që shërbejnë në misionin e KFOR-it të udhëhequr nga NATO-ja, morën pjesë në sfidën për të festuar 50-vjetorin e saj.
“Sfida përbëhej nga një marshim terreni 22 km, me individë që mbanin një ngarkesë prej 10 kg.
Rruga nisi nga kampi Novo Selo, duke u dredhur kështu në kodrat dhe fshatrat e bukura përreth. Ishte një mundësi e shkëlqyer për pjesëmarrësit që të vlerësonin një kauzë të mirë në mbështetje të veteranëve danezë të lënduar”, thuhet në njoftim.
