Tingujt e kambanës dëgjohen, por në orën 12:00 askush nuk iu përgjigj thirrjes për lutje. Disa metra më tutje, vetëm një orë më vonë dëgjohet edhe ezani i thirrur nga hoxha, por edhe thirrjes së tij iu përgjigjën pak persona.
Fe të ndryshme por banorët e fshatit Kabash të Vitisë përveç nacionalitetit kanë edhe diçka tjetër të ngjashme, dëshirën për ikjen nga vendi.
Nga afro 500 shtëpi sa janë, gjysmës së tyre u është vënë dryni.
Ato shihen të mbyllura edhe në stinën e verës, kur mërgimtarët preferojnë që pushimet të i kalojnë në vendlindje.
Marjan Markut nga ky fshat nga 8 fëmijët vetëm një i mbeti në shtëpi, e pse ndodhi kjo, i tregon arsyet.
Marku tregon se në fshatin e tij interesimi për ta lënë Kosovën është i madh.
Përkundër dëshirës për t’u larguar nga vendi, simbolet kombëtare nuk mungojnë në qendër të këtij fshati.
Por, as kjo nuk ndaloi 20 familjarët e Haqif Hasanit të largohen nga vendi.
Ngjashëm për nipin e tij që i gjendet jashtë vendit mendon edhe ky banor.
Se komunën e Vitisë e ka prekur vala e largimit të qytetarëve nga vendi e thotë edhe kryetari i kësaj komune Sokol Haliti.
Haliti tregon se tashmë kanë filluar ankesat për mungesë të fuqisë punëtore.
Lidhur me numrin e personave që kanë lënë vendin në vitin 2022, media ka dërguar pyetje në ASK, por ata nuk dhanë përgjigje gjatë së martës.
