Analisti Xhevdet Pozhari ka reaguar në lidhje me kritikat që partitë opozitare po ia bëjnë kryeministrit Albin Kurti në lidhje me vizitën e tij në Greqi.
Ai në një postim në Facebook u shpreh se vizita e Kurtit mund të ndërlidhet me njohjen e pavarësisë së Kosovës nga ana e shtetit grek.
Mirëpo, Pozhari ironizoi me opozitën, duke thënë se është normale që një gjë të tillë nuk e kanë menduar më parë.
“A e keni menduar se mund të ndërlidhet me njohjen e Kosovës nga Greqia dhe po lobon tek shtetet skeptike që janë pjesëmarrëse në tribunë? Veçanërisht në rrethanat kur diplomacia serbe është shumë agresive me lobingjet e saj.
Nejse, nuk keni faj edhe nëse nuk ju shkon kjo dhe shumë gjëra të tjera ndërmend sepse përndryshe nuk do t'i humbnit zgjedhjet”, deklaroi Pozhari, përcjell “Bota sot”.
Postimi i plotë
Krejt kritika e opozitës po lidhet me qëndrimin e gjatë të Albin Kurtit në Greqi.
A e keni menduar se mund të ndërlidhet me njohjen e Kosovës nga Greqia dhe po lobon tek shtetet skeptike që janë pjesëmarrëse në tribunë? Veçanërisht në rrethanat kur diplomacia serbe është shumë agresive me lobingjet e saj.
Plus buxhetit të shtetit kurrfarë dëmi nuk po i shkakton ngaqë shpenzimet i paska marr përsipër organizatori.
Nejse, nuk keni faj edhe nëse nuk ju shkon kjo dhe shumë gjëra të tjera ndërmend sepse përndryshe nuk do t'i humbnit zgjedhjet.
