Profesori universitar, Enver Bytyҫi në një postim të tij në Facebook shkruan se kur Kryeministri shqiptar Edi Rama ka marrë fjalën, dy ambasadorët e dy vendeve që mbajnë mbi shpatulla kontinentin europian e lëshojnë sallën.
Sipas tij, ata sikur e dinin se Rama do të ‘shfryjë gjithë vrerin e tij kundër vendeve që ata përfaqësojnë dhe kundër SHBA-ve’.
Profesor Bytyҫi thotë tutje se, iku koha e mashtrimeve pa fund të kësaj qeverie e të këtij kryeministri.
Postimi i plotë:
Dy ambasadorët e dy vendeve që mbajnë mbi shpatulla kontinentin europian e lëshojnë sallën kur nis të flasë kryeministri Rama! Sikur ta dinin se i ҫmenduri i Surrelit do të shfryjë gjithë vrerin e tij kundër vendeve që ata përfaqësojnë. Po ashtu kundër SHBA-ve!
Ky lloj izolimi ka ndodhur në Jugosllavi vs. Serbi në periudhën e sundimit të Miloshevicit! Po ndodh me Shqiperinë. Ndërkohë Rama jo rastësisht sillet me arrogancë kundër BE-së dhe SHBA-ve! Nuk dëshiron të hapen negociatat për integrim. Sepse hapja e negociatave shoqërohet me demokraci dhe jo me autokraci, me transparencë dhe jo me korrupsion, me drejtësi dhe jo me arrogancën e njeriut që të gjithë njerëzit i konsideron si mizat, të cilat mund t'i shkelë me atletet e tij Adidas!
Gjithcka ka shkuar aty ku nuk mban më! SHBA e BE do të kenë nevojë dhe do të mbështesin një opozite të fuqishme! Duket se iku koha e mashtrimeve pa fund të kësaj qeverie e të këtij kryeministri!
