Shefi i diplomacisë evropiane, Josep Borrell ka uruar Bajram Begajn pas betimit si president i ri i Shqipërisë.
Ai në një postim në Twitter ka shkruar se mandati i Begajt vjen në një moment historik kur Shqipëria ka hapur negociatat për anëtarësim në BE.
“Urime Bajram Begajt për betimin si president i Shqipërisë. Mandati juaj fillon pasi vendi juaj ka arritur një moment historik në rrugën e tij drejt BE-së.
Ne mezi presim të vazhdojmë të ecim përpara në rrugën tonë të përbashkët në BE. Ne jemi Së bashku më të fortë”, shkruan kryediplomati evropian.
