Ish mjeku i Ushtrisë Ҫlirimtare të Kosovës, Liri Loshi në një postim të tij në Facebook ka komentuar vizitën e krerëve të shtetit të Kosovës në SHBA.
Ai shkruan se ‘është shkurtpamësi me mendu se Kosova u mbështet ndonjëherë për shkak të një grupimi të caktuar politik, e sidomos për shkak të një individi, lideri, kushdo të ketë qenë ai. SHBA mbështet shtetin e Kosovës me ata liderë që i voton populli i Kosovës’.
Postimi i plotë:
A e dini fjalën FARAKAT? Nuk e di etimoogjinë e saj, por tek ne përdorej në kuptimin e betimit për mos me e përseritë më një shprehi. Pra, me e braktisë një të keqe përgjithmonë. SI për shembull rakinë, duhanin, drogën, rrenën, hajninë etj. Në vazhdën e kësaj unë i kisha porositë pozitën dhe opozitën e Kosovës që të mos pretendojnë të marrin kredit për miqësinë me Amerikën. Pra ta bëjnë farakat këtë shprehi njëherë e mirë. Është shkurtpamësi me mendu se Kosova u mbështet ndonjëherë për shkak të një grupimi të caktuar politik, e sidomos për shkak të një individi, lideri, kushdo të ketë qenë ai. SHBA mbështet shtetin e Kosovës me ata liderë që i voton populli i Kosovës.
