Deputetja e PDK-së, Ariana Musliu Shoshi në një postim të saj në Facebook ka vlerësuar takimin e mbajtur në SHBA nga krerët e shtetit.
Ajo shkruan në Facebook se ky takim është për tu vlerësur dhe hap pozitiv e kjo falë SHBA-së, ndërsa takimet e mëparshme i quan si eksperimente dhe eksperienca personale të Kurtit dhe Osmanit.
Postimi i plotë:
Më në fund është për t'u vlerësuar fakti që pas 1 viti e gjysmë e kemi një hap pozitiv në politikën e jashtme dhe këtë krejtësisht falë SHBA-së!
Vizitat e tjera kanë qenë eksperimente dhe eksperienca personale e politike të Kurtit e Osmanit, pa ndonjë agjendë konkrete për shtetin tonë në relacion me SHBA-në.
Fokusi i takimit me Sekretarin Blinken 🇺🇸 na tregon se ka vendosmëri amerikane për një proces të dialogut Kosovë-Serbi, andaj mbetet të shihet qasja, kuptimi i drejtë i mesazheve amerikane dhe qëndrimi i Qeverisë në temat dhe marrëveshjet që do të trajtohen në të ardhmen e afërt!
