Profesori Milazim Krasniqi ka reaguar ashpër pas deklaratës së kryeministrit të Shqipërisë, Edi Rama në lidhje me situatën e krijuar në veri.
Fillimisht Krasniqi pyeti Ramën “a mundesh me na tregue ku janë kufijtë e Serbisë?”
Pastaj, i tha se me kë do të ishte veriu në “Ballkanin e Hapur”, me Kurtin e Vuçiqin?
“Me këto broçkulla as artist nuk dukesh e lëre më lider shqiptar”, shkroi Krasniqi në Facebook, përcjell “Bota sot”.
Postimi i plotë
Edi Rama: “Këto situata tregojnë pikërisht pse duhet Ballkani i Hapur dhe pse Kosova duhet të vijë dhe të ulet në Ballkanin e Hapur
Koment: o shoku Rama, a mundesh me na tregue ku janë kufijtë e Serbisë? (Kushtetuta e Serbisë e konsideron Kosovën territor të shtetit serb.) E dyta, veriu i Kosovës me kend do të ishte në “Ballkanin e Hapur”, me Kurtin a me Vuçiqin? Me këto broçkulla as artist nuk dukesh e lëre më lider shqiptar.
