Reuf Bajroviq, aktivisti boshnjako-amerikan i cili është nënkryetar i Aleancës Amerikano-Evropiane, ka thënë se koalicioni qeverisës në Mal të Zi “sapo ka rënë”.
Sipas Bajroviq, zgjedhjet e reja në Mal të Zi janë të pashmangshme, bazuar në qëndrimin e Partisë Demokratike të Socialistëve, të udhëhequr nga presidenti Milo Gjukanoviq.
“Koalicioni qeverisës i udhëhequr nga Abazovic sapo ka rënë! DPS-ja sapo ka njoftuar se po bën thirrje për zgjedhje të reja”, shkroi Bajroviq në rrjetin social Twitter të mërkurën, në një koment pas nënshkrimit të Marrëveshjes Themelore mes Qeverisë së Malit të Zi dhe Kishës Ortodokse Serbe.
Abazović-led ruling coalition has just fallen! SDP has just announced that they’re calling for a new election.
— Reuf Bajrović (@ReufBajrovic) August 3, 2022
Pro-Russian actors, in cooperation with Abazović, have successfully destabilized a NATO-member state by pushing through the controversial agreement w Serbian Chruch. https://t.co/92d2gqbu0v
“Aktorët pro-rusë, në bashkëpunim me Abazoviqin, kanë destabilizuar me sukses një shtet anëtar të NATO-s duke shtyrë marrëveshjen e diskutueshme me Kishën Serbe”, vijoi Bajroviq.
Është nënshkruar sot në Podgoricë Marrëveshja Themelore mes Qeverisë së Malit të Zi dhe Kishës Ortodokse Serbe.
Versioni aktual i Marrëveshjes Themelore për marrëdhëniet ndërmjet shtetit të Malit të Zi dhe Kishës Ortodokse Serbe përmban kryesisht obligimet e shtetit dhe institucioneve ndaj kësaj bashkësie fetare.
Kishës Ortodokse Serbe në Mal të Zi i mundësohet eksterritorialiteti i objekteve fetare, hapet mundësia mësimit fetar në shkollat publike, i njihet subjektiviteti për gjashtë shekuj më i gjatë se sa që Kisha Ortodokse Serbe ka në Serbi, i jep asaj kompetenca publike-juridike dhe në disa fusha ia mundëson statusin ligjor të barabartë me institucionet shtetërore.
Marrëveshja ka nxitur partinë opozitare Fronti Demokratik – që mbështet nënshkrimin e marrëveshjes – të kërkojë po ashtu dorëheqjen e Abazoviqit. Por, kryeministri i Malit të Zi, Dritan Abazoviq, ka thënë se nuk do të japë dorëheqje.
