Deputeti i Kuvendit të Kosovës, Mefail Bajqinovci nga radhët e Vetëvendosjes shkruan në Facebook se sot ka përfunduar sesioni pranveror i punës së Kuvendit të Kosovës, me një rekord pozitiv.
Ai shkruan se kanë miratuar plotë 105 ligje, 18 nga të cilat marrëveshje ndërkombëtare.
Postimi i plotë:
Të nderuar qytetarë,
Sot e përfunduam sesionin pranveror të punës së Kuvendit të Republikës së Kosovës.
Plot 105 ligje i kemi miratuar brenda kësaj kohe (17.01-04.08.2022) nga të cilat 18 kanë qenë marrëveshje ndërkombëtare.
Ky është një rekord pozitiv përsa i përket efikasitetit të kësaj legjislature, që i ka tejkaluar për nga numri i ligjeve të miratuara legjislaturen e viteve 2017-2019.
Ky është një sukses i yni i përbashkët që e kemi arritur duke qenë në nivel të detyrës dhe kështu me përgjegjësi do të vazhdojmë gjatë tërë mandatit.
Ju faleminderit e na presin edhe shumë punë të mira përpara!
