Avokati Arianit Koci ka reaguar ndaj Aleksander Vuçiqit i cili mbajti takim me serbët e Kosovës.
Sipas tij, Vuçiqi e ka përdorur propagandën e njejtë, kinse për të mbrojtur serbët e Kosovës.
Ai tutje ka thënë se Kosova nuk duhet ndlrruar kurs.
“Reciprocitet dhe siguri makismale për të gjithë qytetarët dhe në të gjithë territorin e Kosovës”, ka shkruar ai.
Postimi në Faceook:
Propagandën e njejtë luftënxitëse e ka përdorur sot presidenti i Serbisë Vuçiq, si paraardhësi i tij krimineli i luftës Millosheviq.
Kosova, Maqedonia, Mali i Zi, Vojvodina, Bosnja dhe Hercegovina, Kroacia dhe Sllovenia qysh para më shumë se 30 viteve, kanë qenë viktima të këtij diskursi banal e pastaj edhe veprimeve gjenocidale.
Retorika e njejtë, modus operandi i njejtë.
Recidivista të papërmirësueshëm.
Me humbje të mëdha në njerëz dhe ekonomi, të gjithë përveç Vojvodinës shpëtuan nga kthetrat e Serbisë.
Tani, Vuçiqi me klikën e vet iu ka vërsulur edhe më ashpër Kosovës, në emër të kinse mbrojtes së serbëve në Kosovës.
Sidoqoftë, kursi i ynë nuk duhet ndërruar.
Reciprocitet dhe siguri makismale për të gjithë qytetarët dhe në të gjithë territorin e Kosovës.
