Njëzetegjashtë komuna të mërkurën dorëzuan padi ndaj Ministrisë së Arsmit dhe asaj të Shëndetësisë, për shkak të kontratës kolektive. Por kësaj padie të Asociacionit të komunave të Kosovës nuk iu bashkuan edhe katër komunat e udhëhequra nga Lëvizja Vetëvendosje, ajo e Podujevës, Kamenicës, Gjilanit dhe Shtimes.
Kryetrari i Asciociacionit, Sazan Ibrahimi përsëriti se dëmi për vitet e fundit konsiderohet të jetë 35 milionë euro.
Ibrahimi: Paditëm Ministrinë e Arsimit dhe atë të Shëndetësisë
“Sot komunat e Republikës së Kosovës do të deponojnë padi sa i përket çështjes së kontratave kolektive ndaj Ministrisë së Arsimit, Ministrisë së Shëndetësië, ku vlera e dëmit në bazë të vlerësimeve të Asociacionit të Komunave të Kosovës e tejkalon shifrën prej 35 milionë euro. Synimi kryesor i komunave është që këto mjete financiare të kthehen në buxhetet komunale në mënyrë që të gjejnë zbatim në shumë projekte kapitale që shkojnë në të mirën e qytetarëve... Janë 26 komuna që sot do të dorëzojnë padi”, tha ai.
Megjithëse paralajmëroi se komuna të tjera mund të dorëzojnë padi, ai tha se komunat që drejtohen nga Lëvizja Vetëvendosje nuk kanë shprehur interesim për të qenë pjesë e kësaj padie.
Ibrahimi: Komunat e udhëhequra nga VV nuk iu bashkuan padisë
“Katër komunat ku Lëvizja Vetëvevendosje ka shtritje më të madhe sipas kontakteve deri dje që i kemi pasur nuk kanë shpreh interesim të jenë pjesë e kësaj padie për kthimin e mjeteve financiare”, tha Ibrahimi.
