​Kurti: Targat KS nuk ka nevojë dhe nuk mund të rikthehen më në qarkullim

Kryeministri i Kosovës, Albin Kurti, i është përgjigjur edhe njëhërë ambasadorit të Shteteve të Bashkuara të Amerikës në Beograd, Christopher  Hill i cili të martën ka deklaruar se “Serbia ishte e përanditur në dialog, por jo edhe pala tjetër”.

Kurti ka thënë se SHBA-ja e ka ambasadorin në Prishtinë me të cilin më 31 korrik është koordinuar për reciprocitetin e targave dhe dokumenteve.

“Është e vërtetë që në vitet e 90’ta, por edhe derisa kur e kemi shpallur pavarësinë, ambasadori i SHBA-ve për Kosovën ka qenë në Beograd”, tha Kurti.

“Mirëpo që nga shpallja e pavarësinë ne kemi ambasador të SHBA-ve në Prishtinë dhe me këtë ambasador ne kemi biseduar më 31 korrik”.

Kurti tha se bashkësia ndërkombëtare ka qenë e shqetësuar për fushatën dezinformuese të Serbisë gjatë muajit korrik.

Për këtë, Kurti thotë se është shtyrë vendimi për recprocietin e targave – që në fuqi do të hyjë më 1 shtator.

“Ne i përmbahemi marrëveshjes me SHBA-të”, ka thënë Kurti. 

Kryeministri Albin Kurti i është përgjigjur SBAShK-ut e cila nën mbështetjen e Bashkimit të Sindikatave të Pavarura të Kosovës, ka paralajmëruar grevë të mësimdhënësve qysh nga 24 gushti.

Kurti ka deklaruar se nuk është koha për greva por për punë, teksa shtoi se janë në komunikim të vazhdueshëm me sindikatat për t’i parë nga afër kërkesat e tyre.

“Andaj, duam të vazhdoj dialogun social, por nuk mendojmë që është koha për grevë Duhet të ketë emancipim, jemi për dialog social pa kërcënime”, tha ai para gazetarëve.

Shefi i qeverisë theksoi se me ligjin për paga të zyrtarëve publikë dhe shërbyesve civilë  po vendoset rregull për herë të parë.

“Për grevën e paralajmëruar kemi pasur komunikim me sindikatat, ata janë njoftuar me punën tonë në raport me kërkesat e tyre, edhe sot jemi në komunikim me ta, pas konsultimit për ligjin e pagave, kërkesë kjo e kamotshme e tyre, paralajmërimi për grevë i ka humbur kuptimi, kërcënimit për paralizim të institucioneve kur tash ligji për paga është proceduar dhe kushtëzimi me kërkesa është gabim, nuk është koha për greva, por për punë”, tha ai në një konferencë për media.

Sipas tij, tash është koha që sindikatat t’i bëjnë gati komentet për ligjin për paga.

“Ne i duam sindikatat jo spektatore por pjesëmarrëse dhe jo vetëm për shërbyesit publik por edhe për zyrtarët publik kur të del në konsultim publik”, përfundoi ai.

Në takimin e dytë që zhvilluan në Bruksel më datën 18 gusht 2022 mes Kosovës dhe Serbisë, tema diskutimi kryeministri i Kosovës, Albin Kurti tha se ishin çështja e personave të zhdukur me dhunë dhe aspekti i lirisë së lëvizjes të qytetarëve mes dy vendeve.

Kurti tha sot në adresimin e tij para mbledhjes së qeverisë se targat KS nuk ka nevojë dhe nuk mund të rikthehen më në qarkullim, derisa shtoi se në takimin e fundit në Bruksel ishte propozuar që Kosova të prodhojë targa neutrale.

Para kabinetit qeveritar, kreu i ekzekutivit kosovar tha se përkundër që marrëveshja për personat e zhdukur me dhunë ka qenë e gatshme për nënshkrim, kjo nuk ndodhi të enjten e 18 gushtit pasi nuk pati gatishmëri nga pala serbe.

Kurti: Për nënshkrimin e marrëveshjes për personat e zhdukur me dhunë nuk ka pas gatishmëri nga pala serbe

“Unë atje kam qenë si kryeministër i Kosovës, nuk kam qenë as si policë, as si doganier, as si prokuror e as si gjykatës, e as si shefi i kadastrit të Kosovës. Kam shkuar si kryeministër I Kosovës sepse pika e parë ka qenë elementet e kornizës së përgjithshme të marrëveshjes për normalizim të plotë të marrëdhënieve. Në takimin e dytë është diskutuar çështjet aktuale. Në tavolinë kanë qenë tema e personave të zhdukur me dhunë dhe ajo e lirisë së lëvizjes, apo e vendimit të palës kosovare që të zbatohet një marrëveshje e arritur më herë në Bruksel një marrëveshje që veçse është zbatuar nga ana e Serbisë që nga korriku i vitit 2011. 11 vite janë bërë pra në muajin e kaluar që Serbia e zbaton atë marrëveshje. Tek tema e personave të zhdukur me dhunë nuk ka pas gaditshmëri nga pala serbe që të nënshkruhet dokumenti i dakorduar pra për marrëveshjen për të pagjeturit ekziston teksti me përmbajtje dhe me germë të dakorduar, por nuk ekziston nënshkrimi pa fajin tonë është pala tjetër ajo e cila nuk ka pranuar. Kjo ka mund të nënshkruhet të enjten që shkoi”, tha Kurti.

E sa i takon lirisë së lëvizjes apo vendimit të Qeverisës ë Kosovës për reciprocitet për targa dhe dokumente për hyrje-dalje, Kurti tha se katër propozime janë prezantuar gjatë takimit nga Bashkimi Evropian.

Sipas tij pala kosovare ka qenë e hapur për diskutime, por e njëjta gatishmëri nuk ishte nga Serbia.

Kurti: Katër propozimet për lirinë e lëvizjes u hodhën në tavolinë nga BE-ja

“Marrëveshja për lirinë e lëvizjes ka ardhur si temë me katër propozime, opsione që janë hedhur në tavolinë nga ana e BE-së përkatësisht ndërmjetësuesit, Lajçak. Deklarata se ka pasur propozime nga njëra palë dhe gatishmëri për kompromis janë të pavërteta. Ne ende kemi qenë të hapur për diskutime në këtë drejtim mirëpo nga ndërtesa ka dal pala tjetër. Ne si Republikë e Kosovës jemi tërësisht të interesuar për promovim të plotë të lirisë së lëvizjes. Kjo nënkupton se opsioni më i pranuar për ne do të ishte eliminimi i plotë nga dy vendet i dokumenteve hyrje-dalje të mos i ketë as Serbia e as ne kjo është më e mira”, u shpreh shefi i ekzekutivit kosovar.

Sa i takon propozimit për targat KS kryeministri i Kosovës, Albin Kurti tha se këto targa nuk ka nevojë dhe nuk mund të rikthehen më në qarkullim.

Kurti: Targat KS nuk ka nevojë dhe nuk mund të rikthehen më në qarkullim

“Në marrëveshjen e vitit 2018 vetë presidenti i Serbisë presidenti i Serbisë si nënshkrues i saj e ka pranuar që këto targa janë ilegale, si dhe ka pranuar që mundësia për regjistrim me targa KS është e përkohshme vetëm deri në shtator të vitit 2021. Ata që i kanë konvertuar veturat e tyre gjatë periudhës janar 2017- janar 2018, po ashtu e kanë ditur këtë dhe rrjedhimisht që nga shtatori i vitit 2021 i kanë konvertuar këto targa nga KS në RKS pa asnjë incident të vetëm. Edhe tek konvertimi i deritanishëm i targave edhe tek lëshimi i atyre 2679 dokumenteve hyrje-daljeve përgjatë 19 orëve të së hënës së 1 gushtit nuk kemi asnjë incident dhe asnjë ankesë. Targat KS nuk ka nevojë dhe nuk mund të rikthehen më në qarkullim. Qeveria e Republikës së Kosovës e konsideron Kosovën si shtet sovran dhe buron prej kësaj shtetësie e prej këtij sovraniteti dhe nuk mund të legjitimojë neutralitet vetanak ndaj vetë statusit të saj, se njëri prej opsioneve ka qenë që ne të prodhojmë targa neutrale”, ka thënë Kurti.

Shefi i Qeverisë së Kosovës u është përgjigjur kritikave për mosdeklarim lidhur me takimin e mbajtur në Bruksel me presidentin e Serbisë, Aleksandar Vuçiq.

Ai tha se nuk u deklarua pasi që ka pas një dakordim intern për mosprononcim.

Kurti: Nuk jam prononcuar për takimin sepse ka pas dakordim intern për mosprononcim

“Unë nuk jam prononcuar pas takimit të datës 18 gusht, meqë ka pas një dakordim intern për mosprononcim, për mosacarim nga brenga se kjo do të ndikon negativisht në ecurinë e dialogut, jo të gjithë i janë përmbajtur këtij dakordimi”, theksoi Kurti.

Aktualisht në Kosovë po qëndrojnë të deleguarit e BE-së dhe SHBA-së për Ballkanin Perëndimor, Miroslav Lajçak dhe Gabriel Escobar.

Escobar, i cili dje arriti në Kosovë ka zhvilluar takime me presidenten e Kosovës, Vjosa Osmani dhe krerët opozitar, kurse sot pritet që bashkë me Lajçak të takojnë krerët institucional dhe opozitën.

Shefi i ekzekutivit, Albin Kurti ka deklaruar se në takimin e javës së kaluar në Bruksel, ishte paraparë të diskutohej vetëm për dy tema. Diskutimi për elementet e marrëveshjes finale dhe çështjet aktuale të cilat edhe janë prezantuar nga Kurti në tavolinën e bisedimeve, nuk u shoqëruan me kontribut nga pala serbe. Në deklarimin e tij para mbledhjes së qeverisë, kryeministri Kurti ka thënë se ka prezantuar në gjashtë kapituj marrëveshjen kornizë dhe elementet që duhet të përfshihen. Madje, ai ka deklaruar se pala serbe, panevojshëm dhe artificialisht është duke eskaluar retorikën dhe veprimet në fushën e sigurisë.

Kryeministri Albin Kurti theksoi se në takimin e datës 18 gusht ishte paraparë të diskutohej vetëm për dy tema.

Kurti: Takimi trilateral do të trajtonte vetëm dy tema

“Takimi trilateral i mbajtur i mbajtur me formatin 1+0, do të trajtonte vetëm dy tema: diskutimet për elementet e marrëveshjes finale dhe çështjet aktuale. Një dizajnim i tillë i agjendës reflekton edhe mandatin e vet ndërmjetësit të BE-së, për dialog, z. Miroslav Lajçak. Te tema e parë unë kam elaboruar në detaje këndvështrimin e palës tonë për kornizën e përgjithshme dhe elementet e saj që do të duhej të përfshinte marrëveshja finale edhe atë në formë të gjashtë kapitujve”, ka thënë Kurti.

Mes tjerash, shefi i ekzekutivit ka bërë të ditur se ka prezantuar gjashtë kapituj, që siç tha ai, ndër të tjera nënkuptojnë njohjen reciproke dhe rrugën drejt anëtarësimit në organizatat ndërkombëtare.

Kurti: Në kapitullin e dytë duhet të trajtojmë ballafaqimin me të kaluarën

“Kapitulli i parë do të duhej të definonte qartë statusin e marrëdhënieve bilatarale mes dy vendeve dhe kontekstin ndërkombëtar. Që nënkupton në njërën anë njohjen reciproke dhe në anën tjetër rrugën tonë drejt anëtarësimit të plot në organizatat ndërkombëtare. Në kapitullin e dytë duhet të trajtojmë ballafaqimin me të kaluarën, të adresojmë të kaluarën, ku hyjnë personat e zhdukur me dhunë, viktimat e dhunës seksuale, personat e zhvendosur, drejtësia tranzicionale, dëmet materiale dhe jomateriale të luftës, kthimi i dokumentacioneve publike por edhe i artefakteve arkeologjike dhe etnologjike. Pas trajtimit të plotë të së kaluarës, mund të diskutojmë për hapat që do të ndërmarrim në të ardhmen, e të cilët kanë të bëjnë me vendosjen e bashkëpunimit. Pra, për neve e ardhmja është bashkëpunim”, ka theksuar ai.

Megjithatë, sipas tij këto pika nuk janë shoqëruar me kontribut pozitiv nga Serbia.

Kurti: Fatkeqësisht ky elaborim i imi nuk u shoqërua me kontribut pozitiv nga pala tjetër

“Fatkeqësisht ky elaborim i imi nuk u shoqërua me kontribut pozitiv nga pala tjetër, e cila në vend të ideve ka nxjerrë vetëm konstatime se nuk janë të interesuar për normalizim të plotë, por për hapa të vegjël dhe gradual. Ka qenë pritja jonë që kjo pikë e agjendës të konsumojë pjesën më të madhe të kohës, për çka jemi treguar të gatshëm të qëndrojmë në Bruksel edhe përtej ditës së enjte. Kjo për arsye se edhe problemet e vazhdueshme në raportet mes dy vendeve tona i shohim mes tjerash si simptomë të mos fillimit të bisedimeve për normalizim të plotë. Ka qenë takim i liderëve dhe duhet të bisedojmë për kornizën e përgjithshme të marrëveshjes ndërkombëtarisht ligjërisht të obligueshme. E jo thjesht për menaxhim krize me hapa të vegjël, e probleme potenciale e eventuale të sigurisë”, ka deklaruar ai.

Po ashtu, Kurti ka thënë se ditëve të fundit kanë qarkulluar disa të pavërteta para dhe pas takimit në Bruksel. Sipas tij, fleta A4 e lëshuar në pikat kufitare për qytetarët serbë nuk ka të bëjë me konfiskim por pajisje legjitime në kuadër të marrëdhënieve të mira fqinjësore.

Kurti: Në Bruksel ka pasur kushtëzime për trajtim asimetrik brenda marrëveshjeve ekzistuese

“Në Bruksel nuk kemi pasur angazhim konstruktiv e as propozime konkrete të palës serbe. Në rastin më të mirë mund të thuhet që ka pasur kushtëzime për trajtim asimetrik brenda marrëveshje ekzistuese. Marrëveshja e lirisë së lëvizjes nuk bazohet në etni apo gjini, por në vendin e qëndrimit. Si e tillë ajo nuk bën në dallim mes qytetarëve në veri apo jug të Mitrovicës. Është qytetari ai që vendos se si dëshiron të trajtohet. Nëse një qytetar në vendkalimet kufitare prezanton letërnjoftim të Republikës së Kosovës, ai kërkon nga autoritetet doganore të trajtohet si qytetar i Kosovës. Nëse i prezanton letërnjoftim nga Serbia, ai preferon të trajtohet si qytetar i Serbisë, rrjedhimisht preferon të pajiset me dokumentin për hyrje-dalje. Lëshimi apo jo i dokumentit për hyrje-dalje nuk është i lidhur me asnjë privilegj apo diskriminim në të drejta apo obligime. Rrjedhimisht nuk mund të marrë epitetin e dokumentit diskriminues”, ka vijuar Kurti para mbledhjes së qeverisë.

Në deklarimin e tij, para fillimit të mbledhjes së kabinetit qeveritar, Kurti shtoi se pala serbe është duke eskaluar retorikën dhe veprimet në fushën e sigurisë.

Kurti: Pala serbe panevojshëm dhe artificialisht është duke eskaluar retorikën dhe veprimet në fushën e sigurisë

“Jam thellësisht i bindur që pala serbe, panevojshëm dhe krejt artificialisht është duke eskaluar si retorikën ashtu dhe veprimet në fushën e sigurisë. Kjo bashkë me kërcënimet e vazhdueshme ndaj qytetarëve të Kosovës, të cilët duan të mbështesin vendimet legjitime të Qeverisë së Republikës së Kosovës. Si e tillë kjo përbën cenim të drejtpërdrejt të sigurisë nacionale ashtu edhe të rajonit në tërësi. Mendoj se këto kërcënime synojnë që padrejtësisht të krijojnë epërsi në negociata, duke e kërcënuar Bashkimin Evropian por edhe Shtetet e Bashkuara të Amerikës, por edhe Mbretërinë e Bashkuar me tensione në të ardhmen. Kërcënimet me largim të eventual të qytetarëve tanë të minoritetit serb ndaj institucioneve të Kosovës, përbëjnë dominim të narratives së kriminelëve të Milan Radoiçiqit, e jo të atyre që integrimin e shoh opsionin primar”, ka deklaruar Kurti.

Ai tha se janë duke punuar për dialogun e brendshëm me qytetarët e komunave serbe dhe të njëjtëve u ka bërë thirrje që të mos ndjekin retorikën, siç e quajti ai, luftë nxitëse.

Qeveria e Kosovës gjatë mbledhjes së sotme në rend të ditës ka pasur shqyrtimin e propozim vendimit përfundimtar për shpronësim për interes publik i pronave të paluajtshme të pronarëve dhe zotëruesve të interesit, të cilat preken nga realizimi i projektit për zgjerimin e mihjes sipërfaqësore për eksploatim të thëngjillit për prodhim të energjisë për nevoja të KEK-ut. Bëhet fjalë për zonën kadastale Palaj, në komunë të Obiliqit.

“Për këtë projekt në muajt e kaluar, Qeveria ka miratuar vendime për shpronësim sipas kërkesave të KEK-ut dhe për zona tjera kadastrale”, tha Kurti.

Ndërsa, ministri i MMPHI-së, Liburn Aliu, tha se departamenti i shpronësimit i propozon qeverisë që të nxjerrë vendim me të cilin miratohet vendimi përfundimtar për shpronësim për interes publik.

“Departamenti i shpronësimit i propozon qeverisë që të nxjerrë vendim me të cilin miratohet vendimi përfundimtar për për shpronësim për interes publik i pronave të paluajtshme të pronarëve dhe zotëruesve të interesit, të cilat preken nga realizimi i projektit për zgjerimin e mihjes sipërfaqësore për eksploatim të thëngjillit për prodhim të energjisë për nevoja të KEK-ut” , tha Aliu.

Ky propozim vendim është miratuar, pasi nuk pat asnjë abstenim dhe asnjë kundër.

Kryeministri Albin Kurti sot shpalosi detajet nga takimi që zgjati me orë në Bruksel mes tij dhe presidentit serb, Aleksandar Vuçiq.

Derisa tregoi për propozimet që ai i shtroi në tavolinë, Kurti tregoi edhe për një opsion që u përmend aty e për të cilin tha se është edhe mohues i vetë pavarësisë së Kosovës.

“Targat KS nuk ka nevojë dhe nuk mund të rikthehen më në qarkullim. Qeveria e Republikës së Kosovës e konsideron Kosovën si shtet sovran dhe buron prej kësaj shtetësie dhe këtij sovraniteti dhe nuk mund të legjitimojë neutralitet vetanak ndaj vetë statusit të saj, sepse njëri prej opsioneve ka qenë që ne të prodhojmë targa neutrale”, tregoi Kurti.

Ai tha se Kosova nuk mund të marrë vendime që e vënë në pikëpyetje pavarësinë e vendit meqë “pavarësia e vendit nënkupton që nuk mund të promovojmë një rend juridik të ndryshëm për një pjesë të territorit”.

Kurti gjithashtu foli edhe për diskursin e palës serbe karshi qytetarëve të Kosovës.

“Jam thellësisht i bindur që pala serbe panevojshëm dhe krejt artificialisht është duke eskaluar si retorikën ashtu edhe veprimet në fushën e sigurisë. Kjo bashkë me kërcënimet e vazhdueshme ndaj qytetarëve të Republikës së Kosovës, të cilët duan të mbështesin veprimet legjitime të Qeverisë së Kosovës”.

Qeveria e Kosovës ka miratuar propozim-vendimin për themelimin e Grupit Punues ndër institucional për anëtarësimin e Kosovës në Bashkimin Evropian.

Kryeministri i Kosovës, Albin Kurti theksoi se këtë vit do të bëjnë aplikimin për antërësim në Bashkimin Evropian sikur që është bërë në Këshillin e Evropës.