Emisari i BE-së për dialog, Miroslav Lajçak është deklaruar për mundësinë që pala e Kosovës ta shtyjë zbatimin e masës së recirpocitetit për targat dhe letërnjoftimet.
Nga Mitrovica, Lajçak tha se ka shumë spekulime për zhvillimet e fundit, por sipas tij janë disa opsione rreth kësaj çështjeje për të cilat nuk mund të flas në detaje.
I pyetur se a janë ato opsione të mira, ai tha se “Do ta shohim së shpejti”.
Përpos kësaj, Lajçak tha se në takimin që kishin me përfaqësuesit e serbëve të Kosovës ka dëgjuar shqetësimet e tyre dhe ripërsëriti se 1 shtatori do të jetë një ditë normale.
