Kryetari i AAK-së, Ramush Haradinaj ka reaguar ashpër ndaj kryeministrit të Kosovës, Albin Kurtit.
Haradinaj përmes një postimi në facebook, kërkon nga Kurti që të ndalet, sa nuk e ka ndalur populli.
Sipas tij, nëse Kurti nuk heq dorë nga mënyra e qeverisjes që është duke e bërë tani, do t’i kthehet popullit dhe do të përfundojë me turp.
Haradinaj nga Kurti po kërkon rritjen e pagave.
Ai gjithashtu pyet Kurtin pse po e lenë Kosovën në terr dhe pse e ka penguar ndërtimin e Kosovës së Re, si dhe pyet gjithashtu pse nuk po i hap rrugë gazit për energji.
Reagimi i plotë:
Ndalu sa s'të kanë ndalë o Albin Kurti
Ku je tuj dashtë me e çu këtë vend o Albin Kurti?! A je tu e pa që je duke e shkatërru me themel!?
Me çfarë të drejte ju ndalë pagat personelit arsimor? Me cilin ligj a me cilën kushtetutë? Kush janë ata sejmenë trima që i kërcënojnë e i shantazhojnë mësuesit!?
Kush ta ka dhanë atë të drejtë që në pikë të verës me e lanë popullin në terr! Pse e ke pengu ndërtimin e Kosovës së Re? Pse nuk i ke hapë rrugë gazit për energji?
Pse po i mbanë paret e popullit në arkën e shtetit e nuk po i rrit rrogat. A ta ka thanë dikush se njerëzit kanë fillu të vuajnë edhe për bukë?
Ky vend nuk është pronë e jotja. Ti ke marrë votë me qeverisë vendin e jo me shkatërru atë.
Hiq dorë nga kjo mënyrë e qeverisjes sa nuk është bërë vonë. Ktheju popullit, sepse po t'u kthy ai ty, do të përfundosh me turp. Ndalu vet e mos lejo të të ndalin!
