Kurti viziton një shkollë në Podujevë, as atje s’nis mësimi

Aktuale

Kurti viziton një shkollë në Podujevë, as atje s’nis mësimi

Më: 5 shtator 2022 Në ora: 14:55
Albin Kurti dhe Shpejtim Bulliqi

Kryeministri i Kosovës, Albin Kurti, sot ka vizituar shkollën fillore “Enver Maloku” në Podujevë.

Në këtë komunë, nga 40 institucione arsimore, mësim është mbajtur vetëm në orën e parë ka bërë të ditur drejtori i Arsimit, Avni Fetahu.

“Nga 40 institucione arsimore, mësimi është mbajtur pjesërisht. Ora e parë e mësimit është mbajtur në të gjitha shkollat ku janë shpërndarë tekstet shkollore, ndërsa nga ora 09:00 një pjesë e arsimtarëve kanë hyrë në grevë. Njëjtë kanë vepruar edhe profesorët e ndërrimit të dytë”, është shprehur Fetahu.

Ndërsa, sekretari i SBAShK-ut, Ymer Ymeri, ka thënë se greva ka vazhduar edhe në komunat e VV-së, ku në Podujevë, sipas tij, vetëm një shkollë ka mbajtur mesim, teksa ka bërë të ditur se janë të gatshëm për takim me qeverinë.

comment Për komente lëvizni më poshtë
Sot mund të lexoni Shfletoni kopertinat