Ministri i Mbrojtjes, Armend Mehaj ka shkruar për një “javë tejet sfideuse trajnimi” të komandove të FSK-së me Forcat e Armatosura të Shqipërisë.
Mehaj tha se po bëhen përgatitje intensive për garën më të famshme të patrullimit ushtarak në botë, “Cambrian Patrol”, që mbahet në Mbretërinë e Bashkuar.
“Një javë tejet sfiduese trajnimi e komandove tona së bashku me vëllezërit nga Forcat e Armatosura të Shqipërisë, në fazën intenzive përgatitore për garën më të famshme të patrullimit ushtarak në botë, “Cambrian Patrol” që mbahet në Mbretërinë e Bashkuar.
Mirënjohje e lartë për punën e shkëlqyer të QNTKSH-së në Pomazatin dhe udhëheqësit të saj, John Doone. Së bashku gjithmonë jemi më të fortë!”, shkroi Mehaj në Facebook.
