Kryetari i Kuvendit të Kosovës, Glauk Konjufca, në hapësirat e Ambasadës së Britanisë së Madhe në Prishtinë, ka shkruar në librin e zisë për Mbretëreshën Elizabeth II.
Sipas tij, mbretëresha Elizabeth II e udhëhoqi lavdishëm kombin britanik drejt prosperitetit dhe paqes.
“Lartmadhëria e Saj, Mbretëresha Elizabeth II e udhëhoqi lavdishëm kombin britanik drejt prosperitetit dhe paqes. Por në mendimet dhe lutjet e saj ishte gjithashtu edhe Kosova.
Ajo do të përkujtohet dhe nderohet përgjithmonë! Ngushëllimet e mia të sinqerta për kombin britanik, vendeve të Komonuelthit dhe mbarë botës”.
