Pas gati dy javësh trajtim në QKUK ka vdekur 47-vjeçari, që u aksidentua më 1 shtator në rrugën “Rrustë Kabashi” në Prizren.
I ndjeri ishte duke lëvizur me një makinë për prerjen e druve, kur papritmas humbi kontrollin dhe u përplas, duke pësua kështu lëndime të rënda trupore, por që s’arriti t’u bëjë ballë.
Burimet nga Emergjenca kanë bërë me dije se bëhet fjalë për Ibrahim Kollanin, i cili po trajtohej në njërën nga klinikat e QKUK-së, por pavarësisht intervenimit të mjekëve nuk mbijetoi.
Si pasojë e plagëve, ai ishte dërguar fillimisht në spital të Prizrenit ku mori ndihmën e parë, e më pas u transferua në QKUK për trajtim të mëtutjeshëm.
