Kryetari i AAK-së, Ramush Haradinaj, ka vazhduar takimet në kuadër të ciklit të bashkëbisedimit me qytetarët.
Para qytetarëve të Klinës, ai ka thënë se tani është momenti më i mirë për marrëveshjen gjithëpërfshirëse dhe ligjërisht të obligueshme mes Kosovës dhe Serbisë.
Haradinaj ë një postim në rrjetin social “Facebook”, ka treguar edhe për temat tjera që ka biseduar.
Postimi i plotë i Haradinajt, pa ndërhyrje:
I nderuar sot në mesin e qytetarëve të Klinës, në kuadër të ciklit të bashkëbisedimit me qytetarët, i cili ka hyrë në javën e dytë.
Biseduam për zhvillimet aktuale, situatën e re gjeopolitike e cila ka ndikim të madh edhe në vendin tonë dhe vlerësuam se Kosova nuk duhet të dështojë në hapat që ka para vetes dhe se është momenti më i mirë për marrëveshjen gjithëpërfshirëse dhe ligjërisht të obligueshme mes Kosovës dhe Serbisë, me njohje reciproke në kufijtë ekzistues.
Gjithashtu vlerësuam se rritja e vigjilencës në fushën e sigurisë, marrja e masave emergjente për parandalimin e kolapsit energjetik dhe procedimi sa më u shpejt i Ligjit të Pagave, duhet të jenë detyra të domosdoshme të qeverisë së Kosovës.
