Ministrja Hajdari takon një delegacion nga Katari, bisedojnë për mundësitë e bashkëpunimit ekonomik.
Ministrja e Industrisë, Ndërmarrësisë dhe Tregtisë, Rozeta Hajdari ka pritur në takim Ambasadorin e Shtetit të Katarit në Shqipëri, jo-rezident në Kosovë, Ali Bin Hamad Al Marri, së bashku me Autoritetin Investues të Katarit në krye me Drejtorin Rajonal të Zhvillimit të Biznesit, Mubarak Abdulaziz Al-Khulaifi, me të cilët biseduan për mundësitë e bashkëpunimit ekonomik.
Sipas një njofitimi të MINT-së, gjatë këtij takimi kanë diskutuar edhe për rezultatet pozitive të qeverisjes së tanishme, në rritjen e treguesve ekonomik dhe të demokracisë në Republikën e Kosovës.
Ministrja Hajdari dhe Ambasadori Al Marri konfirmuan gatishmërinë për rritjen e bashkëpunimit ekonomik në sektorë të ndryshëm të industrisë, tregtisë, turizmit, e të tjera.
