Nënkryetarja e Partisë Demokratike të Kosovës, Vlora Çitaku, ka reaguar pas reduktimeve që do të ndodhin ditën e sotme për shkak të punimeve që po bën KEDS-i.
Në një status në Facebook, Çitaku ka shkruar se këto reduktime janë vetëm paralajmërime për periudhën dimërore që na pret.
‘’Rryma u ndalë prej orës 09:00, si paralajmërim për dimrin e vështirë që po na pret’’, ka shkruar ajo.
Ajo ka shkruar se vetëm në Kosovë ka reduktime dhe jo në vendet tjera, po ashtu ka një porosi për kryeministrin duke i thënë se kur nuk din nuk është marre me pyet.
‘’Ne e dimë që kriza energjetike e ka kapluar tërë kontinentin tonë. Po vetëm në Kosovë ka reduktime. Mos shkoni më larg, ja ku e keni Shqipërinë, Malin e Zi, Maqedoninë Veriore. Merrni mësim.
Kryeministër, kur nuk din, nuk është marre me pyet’’, ka përfunduar Çitaku .
