Prek Kodra është personi në krye të planit që doli sot në mediet shqiptare për vrasjen e kryeministrit Albin Kurti, deputetit Xhavit Haliti dhe ish luftëtarit të UÇK-së, Ismet Haxhës. Por, ky person ishte arretuar në lidhje me politikën edhe në vitin e largët 2011.
Ky arrestim kishte ndodhur në gushtin e vitit 2011, kur po mbaheshin zgjedhjet komunale në Republikën e Shqipërisë.
Në atë kohë, 35 vjeçari Kodra dyshohej se “ishte vërsulur në drejtim të komisionerëve zgjedhorë”, e të cilët më pas i kishte bllokuar bashkë me rrugë-kalimet për te qendra e votimit.
Bëhej fjalë për komunën e Shalës në Shkodër.
Konflikti politik i asaj kohe kishte qenë mes simpatizantëve të dy partive politike, “Aleancës për të Ardhmen” (të kryesuar nga PD) dhe “Aleancës për Qytetarin” e udhëhequr nga PD.
Kodra besohet të ketë qenë simpatizant i njërit prej subjekteve politike të lartcekura.
Kujtojmë se Zyra e Kryeministrit ka konfirmuar informacionin duke u shprehur se nuk e kishte bërë publik rastin për të mos krijuar panik.
