Nuk ka pasur deklarime për mbledhjes së Kryesisë të Kuvendit.
Në këtë mbledhje dy projektligje janë proceduar për mendim në qeveri, një për pensionet e zyrtarëve policorë dhe ai për plotësimin dhe ndryshimin e ligjit për fondet pensionale të Kosovës.
Kryesia procedoi për mendim në qeveri Projektligjin për Pensionet e Zyrtarëve Policorë të Policisë së Kosovës dhe Punonjësit e Inspektoratit Policor të Kosovës me autorizime policore, si dhe Projektligjin për plotësimin dhe ndryshimin e Ligjit nr. 04/L-101 për Fondet Pensionale të Kosovës, i plotësuar dhe ndryshuar me Ligjin nr. 04/L-115, me Ligjin nr. 04/L-168 dhe Ligjin nr. 05/L-116.
Në komunikatën për media bëhet e ditur se në këtë mbledhje Kryesia shqyrtoi edhe çështje të tjera nga fushëveprimtaria e saj.
