Osman Hajdari – ish drejtor komunal në Prizren, ka mohuar përmbajtjen e audio-incizimit se është marrë vesh me Kryetarin e Komunës së Prizrenit, Shaqir Totaj, që të kthehet në pozitën e Auditorit të Brendshëm.
Hajdari ka thënë se nuk ka pasë bisedë me askënd, por i ka ndjekë rrugët ligjore.
“Në përmbajtjen e audio-incizimit, që lakohet emri im gjoja se kam bërë marrëveshje me z Totaj, për t’u bërë auditor i brendshëm në Komunën e Prizrenit. Kjo thjesht nuk është e vërtetë, është e pasaktë.
Këtë pozitë e kam pasë të pezulluar pasi që jam shërbyes civil, e kam fituar mandatin me LVV-në, dhe pas një kohe kam bë kërkesë për t’u kthyer në pozitën që ma garanton ligji, kështu që as logjika nuk e rrokë për të pasë marrëveshje për një pozitë që e kam themelu në vitin 2009″, ka thënë ai.
