Deputeti i Listsës Guxo, Burim Meta, përmes një postimi ka reaguar pas dorëheqjes së ministrit të shëndetësisë, Rifat Latifi duke thënë se sa Ministra të Shëndetësisë duhet të ndërrohen që ky post t’i takoj Guxo-s.
“Edhe sa Ministra te Shendetesise duhet te nderrohen, qe ky pozicion ne fund ti takoj GUXOs !?” – ka shkruar Meta.
Ndër emrat e përmendur për këtë post ka qenë edhe deputeti tjetër i Listës Guxo, Haxhi Avdyli, por që i njëjti ka qenë i paqasshëm.
“Me zhgënjim të thellë, dhe keqardhje pas shumë reflektimesh për disa muajt e fundit po ju informoj se në mënyrë efektive ofroj dorëheqjen”, thuhet në letrën e dorëheqjes së Latifit për kryeministrin Albin Kurti.
