Sipas deputetes së AAK-së, Albana Bytyqit, Qeverisë aktuale tanimë i ka humbur rruga, pasi siç tha ajo, atyre nuk u bën më asgjë përshtypje.
“Për keqardhje në ç’ditë kemi ardh! Asnjë pritje e asnjë organizim sot, nga Qeveria, apo ministri i Kulturës, Rinisë dhe Sportit, për t’ua uruar fitoren kampionëve të Ballkanit të cilët mbrëmë shënuan fitoren e parë dhe historike në Ligën e Konferencës. Qeverisë i ka humbur rruga në oborr dhe asgjë më nuk po i bën përshtypje”, ka shkruar Bytyqi në Facebook.
Më tej, Bytyqi ka thënë se Ballkani meriton trajtim të dinjitetshëm, pasi janë krenaria e Kosovës.
“Kjo fitore gëzoi tejmase gjithë Kosovën, por jo edhe Qeverinë e të dështuarve sepse dështimi nuk është ndryshe. Madje as edhe një status të vetëm për ta”, ka shkruar tutje ajo.
