Kryeministri i Kosovës, Albin Kurti, ka ndarë detaje lidhur me takimin e sotëm në Prishtinë me të Dërguarin e Posaçëm të BE’së për dialogun Kosovë-Serbi, Miroslav Lajçak.
Kryeministri Kurti tha se temë diskutimi ishte dialogu i ndërmjetësuar nga BE’ja
Ai tha se ka ripërsëritur angazhimin e Kosovës në arritjen e një marrëveshjeje ligjërisht të detyrueshme e përqendruar në njohje reciproke.
“Sot mirëprita Miroslav Lajcak në Kosovë. Ne diskutuam për dialogun e Brukselit. Përsërita angazhimin tonë ndaj kuadrit të përgjithshëm të marrëveshjes ligjërisht të detyrueshme të përqendruar në njohjen reciproke”, njoftoi Kurti në Twitter.
Ndër të tjera, Kryeministri po ashtu cilësoi se në takim u potencua se si Raporti i Progresit për Kosovën ka rezultuar si ndër më të mirët në rajon.
