Deputeti i LDK-së, Besian Mustafa, e ka nisur fjalimin e tij në seancë me një “leksion” drejtuar kolegut nga radhët e LVV-së, Adnan Rrustemi.
Ai teksa foli për projektligjin rreth masave për produktet esenciale, i tha Rrustemit se ekonomitë në botë ndahen në ato të lira dhe të kontrolluara.
“Po e fillojmë me një leksion për kolegun tim, Adnanin. Ekonomitë në botë ndahen në ekonomi të lira dhe në ekonomi të kontrolluara. Ato të kontrolluara, të gjitha kanë dështuar. Ka mbetur vetëm një, Koreja Veriore. Me gjasë keni filluar të merrni shembuj nga ta”, tha ai gjatë seancës së Kuvendit.
Sipas tij, ligji thotë se ministrja e Industrisë, Rozeta Hajdari do të merr vendime përmes një komisioni.
“Kush është në atë komision, si vendos ai komision. Ligji s’ka asnjë fjalë”, theksoi ai.
