Të dielën përfundon afati për kthimin e targave ilegale në RKS.
E, pavarësisht kërkesës së SHBA-ve, QUINT-it dhe BE-së, kryeministri Kurti ka thënë se nuk do të ketë shtyrje të afatit për 10 muaj, ashtu siç u kërkua.
Ish ministrja e Integrimit dhe ish-konusllja e Kosovës në Strabsurg, Mimoza Ahmetaj, thotë se Kurti po krijon kriza artificiale në veri, derisa sipas saj qëllimi është ikja nga dialogu dhe përgjegjësia për arritjen e marrëveshjes.
“Kurti është duke krijuar kriza artificiale në veri me qëllim që ta shpërqendrojë vëmendjen nga situata rreth marrëveshjes me Serbinë. Targat janë shkas ndërsa shkaku i vërtetë është ikja nga dialogu dhe përgjegjësia që e ka për arritjen e marrëveshjes”, vlerëson ajo.
Ahmetaj uron të mos ketë tensione pasi nuk e meriton policia jonë, teksa shton se në këtë situatë që është vendi, ka nevojë për një lider që gjen zgjidhje ndaj problemeve.
“Unë uroj të mos ketë tensione sepse nuk e meriton policia jonë të trajtohet në mënyrën siç është trajtuar në situatat e kaluara me qëllim menaxhimin e tensionet e krijuara në veri. Situata në të cilën është vendi ka nevojë për një lider me kurajo, dije dhe vullnet për të ofruar zgjidhje ndaj problemeve”, deklaron Mimoza Ahmetaj.
