Anëtari i Kryesisë së Lidhjes Demokratike të Kosovës Muhamet Hamiti, ka reaguar për vendimin e presidentes Vjosa Osmani, që ndërhyrjen kirurgjike ta bëjë në një spital privat, e jo në institucionet publike shtetërore.
Teksa e ka quajtur “hipokrite”, Hamiti ka thënë se Osmani bëri të kundërtën e asaj që ka thënë, përcjell Bota sot.
“Hipokriti/tja
Si rregull, hipokriti/tja bën të kundërtën e asaj që thotë. Thotë atë që tingëllon morale, e virtytshme. S’e bën vetë, sepse nuk i del e dobishme.
Moraliteti dhe dobishmëria bien në kundërshti të plotë te hipokritët. Fiton e dyta, natyrisht.
Njerëzit që i dëgjojnë fjalët, po s’i shohin veprimet e hipokritëve, u besojnë atyre. Bile edhe ndihen mirë - të virtytshëm, moralë.
Hipokritët janë moralistë të rremë”, ka shkruar anëtari i LDK-së në një postim në Facebook.
Presidentja Osmani, dje i është nënshtruar një intervenimi kirurgjik në një spital privat – ku hoqi tëmthin (idhëzen), mirëpo po kritikohet pasi i njëjti intervenim kryhet edhe në QKUK./Botasot
