Sot Lista Serbe vendosi të dalë nga institucionet e Kosovës.
Policët madje zhveshën edhe uniformat e policisë së Kosovës.
Për këtë ka reaguar deputetja ePDK-së, Ganimete Musliu, e cila përmes një postimi ka thënë se atë policë që zhveshën uniformat duhet të largohen përgjithmonë nga Policia e Kosovës.
“E zhveshën me lehtësi, kthimin duhet ta kenë të pamundur”, ka shkruar ajo.
Postimi në Facebook:
Siguria e Kosovës po sfidohet rend në Veri të Kosovës. Policet që zhveshen uniformat sot duhet të largohen përgjithmonë nga ky institucion. Uniforma e policit të shtetit nuk duhet keqpërdorur as si kompromis, as si mjet presioni politik dhe as si mjet prepotence e force. Policia e Kosovës duhet të lirohet nga marionetat por edhe nga kaubojët.
E zhveshën me lehtësi, kthimin duhet ta kenë të pamundur.
