Ushtaraku shqiptaro-amerikan Muharrem Maralusha, ka kritikuar udhëheqësit e Lidhjes Demokratike të Kosovës, të cilët do të vizitojnë SHBA-në me 14 nëntor.
Ai ka hedhur dyshime se vizita e tyre ka për qëllim rrëzimin e qeverisë së drejtuar nga Albin Kurti, përcjell Bota sot.
Maralusha ka theksuar se megjithëse nuk pajtohet me qëndrimet e tij politike, atij i pëlqen fakti që Kurti është anti-serb.
Reagimi i plotë në Facebook:
Udhëtimi me tendenca të dyshimta i disa anëtarëve të LDK-së për SHBA me 14 nëntor dhe qëndrimi im ndaj Albin Kurtit.
Pajtohem me mendimin e shumë lexuesve ndaj Albin Kurtit. Dhe unë ndonjëherë jam në dilema me Binin sa i përket qëndrimit të tij në skenën politike dhe ideologjikisht Albini është i majtë për mua. Por një gjë më pëlqen te Albini, se është anti-serb e jo si do laramona që e ndërrojnë qëndrimin e tyre ndaj dialogut çdo ditë.. një prej tyee e përkrahi Grenellin 100% dhe ishte i gatshëm me udhëtue në SHBA e me nënshkrue faljen e veriut të Kosovës, Serbisë. E do tjerë të LDK-së prapë po thoshin “ne duhet me i dëgjuar aleatët tanë se ata kurrë nuk na lojnë në lloq”.
Duke mos menduar përtej hundëve të tyre se aleatët apo dashamirët tonë i kanë interesat e tyëe së pari, e Kosova është bira e fundit e kavallit.
Me 14 nëntor disa përfaqësues të LDK-së po mendojnë me udhëtue për SHBA, për të deklaruar veten se LDK-ja është më se e gatshme për ta vazhduar dialogun me Serbinë (sigurisht në dëm të Kosovës).
Qëllimi i këtyre mbeturinave të sahanit, është me e rrëzuar qeverinë aktuale të Kosovës, e zgjedhur nga vet populli. Disa “liderë” të Kosovës ende edhe sot mendojnë me u bë “servilë” për të huajt si Esat Pashë Toptani.
Serbia e sotme është më se e gatshme për t’i përkrahur këta qeveritarë dhe t’i rikthehet dialogut, që është në dobi të tyre dhe në dëm të Kosovës.
