Një përplasje e ashpër verbale ka ndodhur mes zëvendëskryeministrit Besnik Bislimi dhe shefit të GP-së së PDK-së, Abelard Tahiri.
Për këtë rast prokuroria ka nisur hetimet.
“Prokurori i Shtetit ka autorizuar policinë për ndërmarrjen e të gjitha veprimeve të nevojshme lidhur me këtë çështje”, thuhet në njoftimin e Prokurorisë Themelore në Prishtinë.
Zëvendëskryeministri Besnik Bislimi ka dalë në foltoren e Kuvendit dhe tha se shefi i GP të PDK-së, Abelard Tahiri, e ka sharë dhe fyer pasi iu ndal mikrofoni.
Gazeta mëson se Bislimi, Murati e Tahiri janë intervistuar në stacionin policor në Prishtinë, ndërsa kanë treguar edhe rrjedhjen e ngjarjes.
Sipas burimeve brenda Prokurorisë, Besnik Bislimi ka deklaruar se Abelard Tahiri i ka thënë “s’ta qet mirë me mu”, ndërsa më pas edhe e ka sharë me nënë.
Sipas hetimeve fillestare, nuk ka ndonjë element penal në bazë edhe të deklarimeve fillestare të të përfshirëve në këtë rast.
