Enis Sulstarova, aktivist i njohur i LVV-së nga Shqipëria, ka bërë një postim që në mëngjesin e së shtunës.
Ai kësaj radhe është marrë me Dardan Molliqajn, më konkretisht deklaratën e tij rreth ngjashmërisë së trajtimit të serbëve nga Kosova me atë të trajtimit të shqiptarëve gjatë kohës së Millosheviqit.
Z.Sulstarova, që është edhe profesor e ligjërues, ka bërë dy pyetje publike në drejtim të shefit të PSD-së.
“Dardan Molliqaj, a po thua se shqiptarët po bëjnë gjenocid ndaj serbëve të Kosovës? Apo po thua që ajo që bënë serbët në Kosovë ishte më pak se gjenocid?”, janë pyetje që z.Sulstarova ia ka shtruar të parit të PSD-së.
Ndryshe Molliqaj dje nëpërmjet një statusi ka sqaruar qëndrimin e tij rreth trajtimit të serbëve të veriut nga ana e Qeverisë së Kosovës.
