Ish-ministri i Jashtëm i Suedisë, Carl Bildt, ka thënë se nuk pret që tensionet e fundit mes Kosovës dhe Serbisë të çojnë në përshkallëzim të situatës, por as të zgjidhen shpejt.
Në një bisedë të shkurtër për mediumin njujorkez GZERO, i pyetur nëse zhvillimet e fundit mes Kosovës dhe Serbisë janë fillimi i diçkaje më shumë, ish-ministri suedez thotë se “jo domosdoshmërisht”.
“Jo domosdoshmërisht. Është një vazhdimësi e vështirësive që kanë qenë deri më tani. Marrëveshja për targa ashtu dhe për një asociacion të komunave serbe të Kosovës është e para disa viteve më parë. Kjo gjithashtu përkon me përpjekjet e BE-së dhe SHBA-së për të pasur zgjidhje më të qëndrueshme të problemit. Nuk pres përparim të menjëhershëm. Nuk pres ndonjë eskalim të menjëhershëm”, ka deklaruar ai.
