Kryetari i Organizatës së Veteranëve të Luftës, Faton Klinaku, ka reaguar pas dorëheqjes së ish-kryeprokurorit të Gjykatës Speciale, Jack Smith.
Klinaku e quajti “monstrum” Smithin, dhe se sipas tij, asnjëherë ky i fundit s’ka punuar për drejtësi.
“Por sikur UNMIK-u dhe EULEX-i ka bërë padrejtësi duke mos hetuar krimet dhe masakrat e kryera nga pushtuesi serb në Kosovë, e duke ndjekur UÇK-në si NDËRMARRJE E PËRBASHKËT KRIMINALE”, shkroi Klinaku.
Ai, tutje tha se rrjedhja e materialeve konfidenciale nga Dhomat e Specializuara në Hagë dhe pengimi i hetimit se si kanë rrjedhur ato dokumente, siç tha ai, ka pasur dhe ka prapavijë politike.
“Deputetët e Kuvendit të Kosovës as nuk kanë vullnet por nuk kanë as guxim që të ndalojnë padrejtësitë që po bëhen në Pseudo Gjykatën Speciale të Kosovës në Hagë”, shkroi Klinaku.
