Korespodentja e RTK-së në Bruksel, Gjeraqina Tuhina, ka folur në lidhje me takimin mes Kurtit e Vuçiq që po zhvillohet në Bruksel.
Ajo ka thënë se sa më shumë të zgjasë takimi, nënkupton që palët mund të arrijnë një marrëveshje.
“Sa më shkurt të zgjasë i bie që s’do të ketë marrëveshje. Nëse takimi do të jetë më i gjatë, është sinjal që palët po mëtojnë të gjejnë zgjidhje kompromisi. Të gjitha opsionet janë të hapura dhe mbetet të shihet se cili do të jetë opsioni”, ka thënë Tuhina.
Ajo ka deklaruar se takimi ende po vazhdon.
“Është në zhvillim e sipër takimi trepalësh. Është ky takim të cilën BE-ja e ka cilësuar si urgjent meqë palët nga e premta janë ftuar këtu për të gjetur një zgjidhje për ta tejkaluar krizën dhe tensionet e krijuara ndërmjet Prishtiëns dhe Beogradit, si rezulta i vendimit për regjistrimin e automjeteve me targa ilegale”, ka deklaruar më tutje ajo.
