Kancelari gjerman, Olaf Scholz, ka paralajmëruar se mund të ketë eskalim të situatës si pasojë e luftës në Ukrainë.
Këtë, kancelari Scholz e bëri të ditur duke folur në një konferencë në Berlin, raporton Sky News.
“Duke pasur parasysh zhvillimin e luftës dhe dështimet e dukshme dhe në rritje të Rusisë, ne duhet të jemi gati për përshkallëzim”, deklaroi kancelari gjerman, derisa shtoi se kjo mund të përfshijë edhe shkatërrimin e infrastrukturës.
Scholz po ashtu tha se udhëtimi i tij i fundit në Kinë ia vlejti, pasi të dy vendet ndanë qëndrimin e tyre të përbashkët kundër përdorimit të armëve bërthamore.
Lufta e paprovokuar e Rusisë në Ukrainë ka hyrë në muajin e dhjetë të saj derisa Kremlini nuk ka treguar shenja se do të zmbrapset.
