Kryeministri i Republikës së Kosovës, Albin Kurti, i është kundërpërgjigjur presidentit serb Aleksandar Vuçiq, i cili ka kërcënuar me sjelljen e një mijë forcave ushtarake serbe në Kosovës.
Kurti ka thënë se Kosova nuk kërkon konflikt, por territorin e saj do ta mbrojë me vendosmëri dhe forcë, përcjell Bota sot.
“Presidenti dhe kryeministrja e Serbisë kanë kërcënuar edhe me agresion ushtarak, duke kërkuar që ushtria serbe të kthehet në territorin tonë. Ne nuk kërkojmë konflikt, por dialog dhe paqe. Por më lejoni të jem i qartë: Republika e Kosovës do të mbrohet me vendosmëridhe forcë”, ka shkruar Kurti, në një postim në Twitter.
The President and PM of Serbia have also threatened military aggression, calling for the Serbian army to return to our territory. We do not seek conflict, but dialogue and peace. But let me be clear: the Republic of Kosova will defend itself — forcefully and decisively.
— Albin Kurti (@albinkurti) December 11, 2022
Ai ka thënë se bandave kriminale në veri po u mungon preteksti për sulme, pas zgjidhjes së çështjes së targave dhe shtyrjes së zgjedhjeve.
“Me zgjidhjen e çështjes së targave dhe vonesën e zgjedhjeve, bandave kriminale në veri të Kosovës u mungon edhe preteksti më i dobët për barrikada dhe sulme të dhunshme ndaj Policisë së Kosovës. Në bashkëpunim me@NATO_KFOR,ne po punojmë për të adresuar situatën shpejt dhe në mënyrë paqësore”, ka shkruar Kurti më tej.
Rrugët në veri të vendit vazhdojnë të jenë bllokuara, ndonëse situata aktualisht është e qetë. Serbët kanë vendosur barrikada, pas arrestimit të ish-policit serb Dejan Pantiq./Botasot
