Profesori Enver Bytyçi ka reaguar ndaj zyrtarit të PDK-së, Betim Gjoshi, pas deklarimit të këtij të fundit për kryeministrin Kurti.
Gjoshi ka rikujtuar një deklaratë të Kurtit gjatë një proteste, ku Kurti i ishte drejtuar një polici, duke i thënë se “o majmun “, duke tentuar ta krahasoi me situatën në veri.
Bytyçi përmes një postimi në Facebook ia kujtoi Gjoshit shëtitjet e Thaçit në Ujman, ku tha se për këtë mori leje nga presidenti serb.
Derisa, profesori përmendi qasjen e Serbisë, Vuçiqit e Putinit ndaj Kurtit
“Kushdo që lufton për Kosovën në Serbi shpallet terrorist. Ata që bashkëpunojne me Serbinë bëjnë teatër me patriotizmin shqiptar”, shkroi Bytyçi, përcjell “Bota sot”.
Postimi i plotë
Dikush, një person që sheh deri te hunda e vet, i thotë kryeministrit të Kosovës "O majmun pse nuk shkon në veri", duke i kujtuar se kur ishte në opozitë u thoshte policëve pse nuk shkoni në veri. Me siguri që ky majmuni dëshiron të lartësojë Thaçin që shkoi e shtëtiti me varkë në Ujman.
Po ka dallim të madh midis shëtitjes së Thaçit në Ujman dhe qëndrimeve të zotit Kurti. Ish-presidenti shëtiste në veri të Kosovës pasi merrte lejen e Vuçiq. Ndërsa Albin Kurtin Beogradi, Serbia e Putin e kanë shpallur terrorist! Kushdo që lufton për Kosovën në Serbi shpallet terrorist. Ata që bashkëpunojne me Serbinë bëjnë teatër me patriotizmin shqiptar!
