Gjendja shëndetësore e këshilltares së ministrit për Kthim dhe Komunitete, Rada Trajkoviq është përkeqësuar gjersa po mbahej nga policia serbe në pikëkalimin kufitar të Merdares.
Si rezultat i kësaj, ajo është transferuar në një qendër mjekësore në Prokupël të Serbisë.
Ky njoftim është publikuar në faqen e Trajkoviq, siç është dhënë shpjegimi, nga vajza e saj.
Në këtë njoftim thuhet se në bazë të simptomave të para, Trajkoviq ka marrë sëmundjen e pneumonisë.
“Ky mesazh është shkruar nga vajza e Rada Trajoviq. Nëna sapo është trasnferuar në ambulancën e Prokuplës sepse shëndeti i saj papritur është përkeqësuar. Simptomat e para tregojnë për shenja pneumonie. Ju falënderojmë për mbështetjen dhe do t’ju mbajmë të informuar”, ka shkruar ajo.
Ovu poruku piše ćerka Rade Trajković.
— Rada Trajkovic (@trajkovic_rada) December 16, 2022
Mama je upravo prebačena sanitetskim vozilom u Prokuplje jer joj je zdravstveno stanje naglo pogoršano. Pregled pokazuje rane znake upale pluća.
Zahvaljujemo vam se na podršci i obaveštavaćemo vas o njenom stanju. pic.twitter.com/91k6Oe7CHV
Rada Trajkoviq është mbajtur rreth 24 orë në ndalim nga organet serbe të sigurisë. Ajo ka thënë se kjo është një hakmarrje e presidentit serb, Aleksandar Vuçiq ndaj saj për kritikat e hapura që ia ka bërë atij.
Ajo u ndalua gjersa po kalonte nga Kosova drejt Serbisë.
Në një deklaratë të saj para pak orës, Trajkoviq e ka quajtur Vuçiqin “barbari më i madh në tokën e Ballkanit.
