Drejtori i institutit të Kosovës për Drejtësisë, Ehat Miftaraj, ka thënë se presidenti serb, Aleksander Vuçiq, është një rrenc patologjik.
Ai ka shkruar se këtë Vuçiq e ka treguar edhe në takimin që ka pasur sot me Admiralin e NATO-s, Stuart Munsch.
“Se Vuciqi eshte nje mashtrues dhe rrenc patologjik, deshmon takimi i tij me Admiralin e NATO-s, Stuart Munsch. Vuciq kerkon nga admirali Munsch te mbrohen serbet ne Kosove. Kercenuesi, shkelesi me i madh i te drejtave dhe lirive te serbeve ne Kosove eshte vet Vuciq dhe aparati i tij shteteror. Njerezit e tij te aferte sot po hetohen dhe gjykohen ne Kosove per vrasjen e Oliver Ivanovic, ish politikan serb ne republiken e Kosoves”, ka shkruar Miftaraj në Facebok.
Sipas tij, liderët perëndimorë duhet ta kenë durimin të madh kur të takohen me këtë mashtrues.
“NATO, shtetet perendimore dhe perfaqesuesit e tyre duhet te kene durimin e botes, me vet faktin se duhet te takohen me nje mashtrues te tille, te degjojne dhe bisedojne me te njejtin, e i cili fatkeqesisht ka kapacitet te madh per te cenuar paqen dhe sigurine ne kete pjese te Ballkanit”, ka shkruar Miftaraj.
