Raportimi i ngjarjes së ndodhur në Pejë, që dyshohet se nga pakujdesia e madhe e stafit të Repartit të Gjinekologjisë, një foshnjë e vdekur është futur në lavatriçën e çarçafëve, e cila pastaj thuhet se është nxjerrur copa-copa nga lavatriçja, nga ngjalluar reagime të shumta.
Për veç se është kërkuar shkarkimi i personave të përfshirë, po ashtu është kërkuar përgjegjësi edhe nga kryeministri i vendit, Albin Kurti.
Kjo pasi që, Kosova ende nuk ka ministër të Shëndetësisë.
Lidhur me këtë çështje, ka reaguar edhe ish-ministri i Shëndetësisë, Armend Zemaj i cili në një konferencë për media ka kërkuar dënimin dhe shkarkimin e të gjithë personave të përfshirën në këtë rast.
“Rasti i supozuar i ka kaluar të gjitha masat. Duhet të shkarkohen dhe të dënohen të gjithë ata që janë të përfshirë në rast si dhe ata që e kanë fshehur”, është shprehur Zemaj.
Dhe sipas tij, është ngjarje e cila tregon paaftësinë e Qeverisë për të menaxhuar me sektorin e Shëndetësisë.
“Se paaftësia e qeverisjes në shëndetësi e kemi thënë gjithmonë, mirëpo rasti i foshnjës shkon përtej. Jo shumë ditë nga sot u vra edhe një nënë, që shkoi për të lindur”, ka vijuar ai.
Zemaj tha se kryeministri Albin Kurti është përgjegjës, duke e quajtur atë të vetëemëruar ministër të Shëndetësisë.
“Përgjegjës është Kurti si i vetëemëruar, ministër i Shëndetësisë. Dorëheqje morale atyre që nuk janë drejtpërdrejtë”.
Sipas tij, 300 mjekë e kanë lëshuar vendin këto 2 vjet dhe se vetëm 5% e buxhetit për investime është shfrytëzuar në shëndetësi,
“Kemi më shumë se 300 mjekë që kanë ikur në këto 2 vite. Vetëm 5% e buxhetit për investime kapitale është shfrytëzuar në shëndetësi”.
