Deputeti i Lëvizjes Vetëvendosje, Visar Korenica, ka dhënë versionin e tij pas largimit bashkë me dy kolegët e tij, Enver Haliti e Eman Rrahmani, nga mbledhja e Komisionit për Buxhet, Punë dhe Transfere teksa shqyrtohej Plani i performancës së Organit Shqyrtues të Prokurimit (OShP) për vitin 2023.
Korenica, në Info Magazine në Klan Kosova, deklaroi se nuk ka grupime brenda deputetëve të VV-së veçse tonaliteti i lartë i bashkëpartiakut, Armend Muja, që është edhe kryetari i këtij komisioni bëri që të lëshojnë mbledhjen.
“Organi shqytrues publik ka prezantu sot një plan pune për vitin 2023, pos pytjeve rreth planit që i kemi parashtruar këtij organi ka pasur edhe pyetje jashtë këtij plani që ndodh të ketë edhe pytje në komision. Aty u bë një pytje për një kontratë për furnizim për Ministrinë e Shëndetësisë me furnzim me insulinë dhe gjithçka nisi aty”.
“Por deputeti Muja ka kërku sqarime shtesë dhe pytje më private por ka mundësi që secila palë mos me u përgjigjë kur ka pytje të papërshtatshme dhe arsyeja e lëshimit të sallës nuk qëndron si u paraqit në media si kundërshtim i pyetjeve por për shkak të papërshtatshmërisë dhe tonalitetit të lartë”.
“Më vjen keq që gjithçka lidhet me Kodin Civil, thjeshtë është demostruar një lëshim i mbledhjes për arsye të mos përshtatshmërisë të komunikimit për çka tregova. S’ka të bëjë asgjë me grupime nga asnjëri prej nesh” tha Korenica.