Ish-ministri i Shëndetësisë, Ferid Agani ka thënë se nga Qeveria Kurti ka pritur që në sektorin e Shëndetësisë të vazhdojë reformën e të zbatojë ligje që kanë qenë në fuqi.
Agani thotë se kësaj qeverie i ka munguar një lloj vizioni.
“Ajo që mua më ka penguar është që ka munguar një lloj vizioni me ardhjen e Qeverisë. Ajo çfarë kam pritur nga kjo Qeveri në sektorin e shëndetësisë ka qenë të vazhdojë reformën, të zbatojë ligje që kanë qenë në fuqi, ligje që i ka votuar vet kjo shumicën parlamentare”, ka deklaruar ai.
Ai thotë se Qeveria Kurti i ka tejkaluar të gjitha kufijtë sa i përket sektorit të Shëndetësisë, sipas tij qytetarët nuk e meritojë një qasje të tillë.
“Ky dy vjeçar ka mund të ketë edhe alibi në punën e tyre sa i përket këtij sektori, por mendoj se janë tejkaluar të gjithë kufijtë dhe qytetarët e vendit nuk e meritojnë një qasje të tillë pa vizion të qartë reformues të sistemit shëndetësor, më nuk ka kohë”, përfundoi Agani.
