Nëse Ligji i Pagave dërgohet në Kushtetuese, lënda do të kryhet me prioritet.
Kështu thotë ish gjyqtari i Kushtetueses, Kadri Kryeziu.
Sipas tij, nëse në këtë ligj konsiderohet se ka shkelje të të drejtave të njeriut, atëherë për këtë vendos Gjykata.
Ndërsa, kur është pyetur se a mund të pezullohet ky ligj në momentin që ka ankesë dhe dërgohet në Kushtetuese, Kryeziu ka thënë që patjetër ligji duhet t’i nënshtrohet procedurave.
“Jo. Ajo shkon, hyn në procedurë, kur të hyn në procedurë lëndën e merr Kolegji i ngushtë, e pastaj në Kolegjin e gjerë ku janë 9 gjyqtarë dhe pastaj ata vendosin, nuk e nënkupton që e fiton rastin kushdo që e qon në Kushtetuese”, është shprehur ai.
