Qeveria e Kosovës e ka mbajtur mbledhjen e 119-të të saj.
Në mbledhjen e mbajtur online, ekzekutivi ka miratuar vendimin shpalljen me interes të veçantë publik të pronave të paluajtshme të cilat janë të nevojshme për realizimin e “Projekteve Infrastrukturore për Interes Publik”, Zonat Kadastrale:Dren dhe Leshak, Komuna Leposaviq.
Në njoftimin e zyrës së kryeministrisë, thuhet se bazuar në vendimin e marrë duhet të nisin procedurat e shpronësimit.
“Sipas vendimit, për realizimin e “Projekteve Infrastrukturore për Interes Publik” është e nevojshme që të iniciohen dhe kryhen procedurat e shpronësimit dhe vlerësimit të pronës për të gjithë pronarët e evidentuar”, thuhet në njoftimin e Qeverisë.
