Kryetarja e Lëvizjes Evropiane të Serbëve nga Kosova, Rada Trajkoviq në një deklaratë për mediumin serb, ka thënë se Kisha Ortodokse Serbe është “leva kryesore e fuqisë shkatërruese” e presidentit serb Aleksandar Vuçiq.
Trajkoviq ka thënë se Vuçiq nuk do të vendos kurrë sanksione ndaj Rusisë dhe se ai e ka kthyer Serbinë nga Rusia në vend se ta kthejë nga Perëndimi.
“Fatkeqësisht, leva kryesore e fuqisë shkatërruese të Vuçiqit është Kisha Ortodokse Serbe, e cila së bashku me Kishën Ruse po destabilizojnë me sukses rajonin.” – ka thënë ajo.
Ajo akuzoi Patriarkun e Porfirje për përmbushjen e urdhrave politike të Aleksandër Vuçiqit.
Rada Trajoviq ka thënë se barrikadat në veri të Kosovës së fundmi janë ngritur nga “grupi mafioz i Milan Radojiçiqit”.
Sipas saj, nëse Beogradi nuk jep një deklaratë përfundimtare për Rusinë, Kosova do të marrë gjithnjë e më shumë mbështetje nga NATO, do të forcohet dhe do të investojë në potencialin ushtarak të Kosovës.
