Presidenti serb, Aleksandar Vuçiq ka ‘kërcënuar’ sërish me dorëheqje, ku ka thënë se është në prag të marrjes së një vendimi të tillë.
Këtë, Vuçiq e thotë në mënyrë kërcënuese për Perëndimin, se në rast se ai dorëhiqet “do të keni punë me shërbëtorët besnikë të Vladimir Putin në Serbi!”.
E këtë deklaratë të presidentit serb e ka komentuar profesori Enver Bytyçi.
Ai përmes një postimi në Facebook e quajti Vuçiqin “mashtrues të pashembullt”.
“Sepse thjesht bën deklarata dorëheqjeje, por asnjëherë nuk dorëhiqet! Sepse dorëheqjen e përdor si kërcënim për Perëndimin, duke u thënë atyre:
“Po të doni unë dorëhiqem, por më pas do të keni punë me shërbëtorët besnikë të Vladimir Putin në Serbi””,shkroi ndër të tjera profesori, përcjell “Bota sot”.
Postimi i plotë
Vuçiq sot ka thënë se është në prag të dorëheqjes! Nuk e di sa herë në këto dy vitet e fundit ai ka kërcënuar me dorëheqje! Por një gjë është e sigurt: - Ai është një mashtrues i pashembullt. Ia kalon edhe këtyre dy të Rilindjes që kemi ne këtu në Tiranë!
Sepse thjesht bën deklarata dorëheqjeje, por asnjëherë nuk dorëhiqet! Sepse dorëheqjen e përdor si kërcënim për Perëndimin, duke u thënë atyre:
“Po të doni unë dorëhiqem, por më pas do të keni punë me shërbëtorët besnikë të Vladimir Putin në Serbi!”
E gjitha kjo që ndërkombëtarët ta tolerojnë për qëndrimet, objektivat dhe projektet e tij për Kosovën dhe madje edhe për kërcënimet që ia bën asaj për përdorimin e dhunës policore e ushtarake, për ringritjen e barrikadave, si dhe nxitjen e serbëve të Kosovës për konflikt me institucionet shtetërore të Republikës!
